O presidente da Fundación Otero Pedrayo amosa a súa "ledicia" tras declararse no 2026 Ano Oteriano

O presidente da Fundación Otero Pedrayo, Eduardo López Pereira, asegurou que é “un gozo enorme” para a Fundación que a Xunta de Galicia declare o vindeiro ano 2026 “Ano Oteriano”. Nunha entrevista en COPE Ourense, Eduardo López Pereira, destacou que no 2026 “cúmprense os 50 anos do pasamento de Don Ramón e 100 anos da aparición da Guía de Galicia que hoxe non foi superada”. Para o presidente da Fundación do Patriarca das Letras Galegas “hoxe está de moda a paisaxe pero non era así naqueles tempos e poucos referíanse así a paisaxe” polo que “esa guía é todo un adianto do que todos consideramos un factor importante na actualidade”. 

“Éncheme de ledicina que o conselleiro de Cultura anunciase que o 2026 será Ano Oteriano” destacó Eduardo López Pereira, quen engadiu que Otero Pedrayo “merece este recoñecemento por ser un defensor da lingua e da cultura galega”.

Nunha entrevista en COPE Ourense, afirmou que dende a Fundación Otero Pedrayo están organizando varias actividades por este ano tan especial.

Esta boa nova para a Fundación coincidiu coa visita no Pazo-Museo Otero Pedrayo en Trasalba de alumnos do centro escolar Santiago Apóstol de Bos Aires. Eduardo López Pereira asegurou que son “unha referencia e un símbolo ver cómo tan lonxe de Galicia seguen estimando a figura de Ramón Otero Pedrayo” e resaltou que “é unha visita que realizan cada ano e moi simbólica e moito de admirar”.

MIRADOR DA BOCARRIBEIRA

Eduardo López Pereira manifestou que “vou de ledicia a ledicia” porque “está feito e pendente da firma entre Concello de Ourense, Deputación Provincial e Fundación Otero Pedrayo” o mirador da Bocarribeira para que “sexa una realidade no 2026.

Dende alí “veremos a paisaxe xeográfica e trátase de todo un referente cultural e disfrutaremos dunha paisaxe terra e agua fantástica” manifestou Eduardo López Pereira.