A Casa-Museo Otero Pedrayo acollerá o vindeiro 26 de novembro a entrega dos premios da terceira edición do Premio de Oratoria en Formato Podcast

 A Asociación de Amigos de Otero Pedrayo entregará o videiro mércores, día 26 de novembro, os premios da terceira edición do Premio de Oratoria en Formato Podcast "Ramón Otero Pedrayo".

Terá lugar na Casa Museo Otero Pedrayo, en Trasalba, ás 12h do mediodía coa presencia do Secretario Xeral da Lingua, Valentín García; co director da cooperativa agroalimentaria COREN, Emilio Rial; co presidente da Fundación Otero Pedrayo, Eduardo López Pereira; e co presidente da Asociación de Amigos de Otero Pedrayo, Xosé López. A entrada ao evento é libre e gratuita.

O primeiro premio é "A paisaxe galega como símbolo da nosa identidade" de Sara Alonso e Martina Rodríguez, alumnas do Colexio Salesianos de Ourense.

O segundo premio "Entre letras e lembranzas. Itinerario dun home de Trasalba" de Ana González, estudante da Universidade de Santiago de Compostela. E o terceiro premio recae en "Ave Pedrayo", traballo en grupo formado por Lucía Álvarez, Paula del Carmen Díaz, Antía Fernández, Catuxa González, Patricia López, Carla Montero e Milagros Iglesias, das Carmelitas de Ourense.