Rallye San Froilán en Lugo: o Volante Deputación impulsa a novos talentos

Este galardón, creado na nosa terra, ofrécelle a un piloto novel a oportunidade de competir no prestixioso Rallye San Froilán co apoio de montura, copiloto e formación especializada.

Un Premio para a Xuventude: O "Volante Deputación de Lugo"

O "Volante Deputación de Lugo" nace co obxectivo de apoiar o talento local e dar visibilidade aos novos pilotos. Cada ano, o proceso de selección e formación do gañador corre a cargo de Antonio Solórzano, director de PTC Escuela. Solórzano, cunha ampla experiencia en rallyes e formación de pilotos, é o encargado de guiar ao afortunado gañador do trofeo, tanto na súa preparación como no día da carreira, onde compartirá o asento co novo piloto. Todo isto, grazas ao apoio fundamental da Vicepresidencia da Deputación de Lugo, que ten como prioridade fomentar o deporte e a automoción na provincia, permitindo que a cantera lucense continue dando froitos.

Sergio Lozano: A Promesa Lucense no Rallye San Froilán 2025

O gañador do "Volante Deputación de Lugo 2025" é Sergio Lozano, veciño de Pacios, Castro de Rei. Sergio, un apaixonado polo deporte do motor, recibiu como premio a súa participación como piloto titular no Rallye San Froilán 2025 a bordo dun Dacia Sandero, dentro da estrutura do equipo de PTC Escuela. Esta oportunidade chega para el de forma totalmente gratuíta e constitúe un trampolín para dar os primeiros pasos na competición, nun dos rallyes máis prestixiosos do calendario galego.

Sergio confesou que a súa experiencia ao volante de coches de competición era prácticamente nula antes de gañar o "Volante Deputación". Aínda así, a súa paixón polo automovilismo foi clave para alcanzar esta meta. "A principal vantaxe que tiven foi practicar nalgún simulador de casa, pero pouco máis. A partir de agora, todo é aprender", afirmou Lozano, quen tamén destacou a emoción que sentiu ao comunicarlles a súa vitoria á súa familia e amigos, "porque saben a ilusión que me fai isto".

Un Mensaxe de Seguridade: "Na rúa, non"

Ademais de centrarse na súa carreira, Sergio Lozano Granda tamén quixo compartir un importante consello para os afeccionados ao motor: "Non fagan carreras na rúa, mellor que vaian a un circuito. Na rúa pódese facer dano tanto a un mesmo como a outras persoas". O piloto de Castro de Rei recomendou aos máis novos que se acheguen a un lugar seguro como o circuito de A Pastoriza, onde poderán desfrutar do volante sen poñer en risco a súa seguridade. 

O Debut de Sergio no Rallye San Froilán: Un Soño Cumprido 

O obxectivo principal de Sergio Lozano para esta 47ª edición do Rallye San Froilán é aprender ao máximo e, se é posible, rematar a carreira. "Todo é máis difícil do que parece dende fóra, pero estou cumprindo un soño", comentou o piloto, quén xa tivo a oportunidade de probar o coche co seu mentor Antonio Solórzano. "Todo está indo moi fluído", engadiu, deixando claro que a súa formación está a ser un éxito.

Sintoniza o Rallye San Froilán en COPE Lugo 

O sábado 18 de outubro, COPE Lugo ofrecerá unha retransmisión especial do Rallye San Froilán, con cobertura en directo das mellores incidencias da carreira. Dende as 16:00 horas, a emisora seguirá en vivo aos diferentes equipos de competición e tamén ao equipo de PTC Escuela, pilotado por Sergio Lozano e copiloto por Antonio Solórzano, que participará na Copa Sandero Eco Cup. A retransmisión poderá seguirse a través das frecuencias 88.9 FM e 1224 OM, así como na web de COPE Lugo.

Unha retransmisión única, desde os treitos até a meta

Este 2025, o Rallye San Froilán celebra a súa 47ª edición e COPE Lugo promete ofrecer unha cobertura especial e detallada do evento, coas voces dos pilotos e copilotos dende os propios treitos. Non perdas a oportunidade de vivir a emoción do rallye en directo!

Acompáñanos para seguir a emoción do Rallye San Froilán, onde a adrenalina e as novas promesas do automovilismo lucense serán as protagonistas.