A Xunta destinará o vindeiro ano 5,5 M? ás bonificacións e conxelación das peaxes das autoestradas autonómicas, o que beneficiará a case 28.000 usuarios cada día

Xunta de Galicia

Publicado el 30 oct 2023, 15:41 - Actualizado 30 oct 2023, 15:47

3 min lectura

Ethel Vázquez salienta que a aposta do Executivo galego por unha mobilidade máis social volverá manter o vindeiro ano intactas as tarifas das autoestradas A Coruña–Carballo e Vigo–Baiona, evitando o impacto do IPC e manténdoas como as máis baratas de España

Remarca que en Galicia desde o 1 de xaneiro os máis de 52.700 maiores de 65 anos que xa dispoñen da Tarxeta de Mobilidade de Galicia e todos os que se fagan con ela poderán desprazarse gratis no autobús da Xunta, unha nova medida pioneira á que se reservan 5 M?

A Xunta destinará 100 M? ao transporte público autonómico, 9 deles para a tarxeta Xente Nova, coa que xa case 160.000 menores de 21 anos viaxan gratis e aforran ata 1.000 ?/ano

Destaca o esforzo na mellora, tamén, das infraestruturas do transporte, con máis de 20M? para as estacións de autobuses intermodais da Coruña e de Lugo e para avanzar na de Ferrol, que precisa da implicación do Goberno de España

A Xunta dará un novo pulo á vertebración cun investimento de 40 M? nas vías de altas prestacións, variantes e acondicionamento de vías, especialmente coa prolongación da autovía da Estrada, que disporá en 2024 de 10 M? e cuxas obras se iniciarán mañá mesmo

Incrementa en preto dun 8% o orzamento destinado á seguridade viaria e á conservación das estradas autonómicas, acadando os case 53 M?

A conselleira remarca que, tras construír 250 quilómetros de sendas, a Xunta investirá case 35 M? en novos itinerarios peonís e ciclistas, incluídos os que transformarán a mobilidade das cidades

Destacan os 1,5 M? da Estratexia de estradas verdes para reforestar as marxes das vías de altas prestacións con frondosas, comezando na primavera pola autovía do Morrazo

O investimento de 500.000 ? permitirá iniciar o desenvolvemento do Plan para crear unha rede de áreas de estacionamento seguro e protexido para o transporte de mercadorías coa previsión de crear 250 prazas o vindeiro ano repartidas por todo o territorio

Un total de 85 M? destinaranse a axudar aos concellos nas súas competencias de depuración e saneamento e 23 M? a incrementar a resiliencia fronte a seca, coa mellora de abastecementos municipais, a redución de perdas ou a identificación de novas reservas

Crearase a Escola da Auga, para fomentar a formación continua do persoal técnico dos concellos e garantir unha xestión profesionalizada

A vontade de avanzar na vertebración e a cohesión territorial motivan que as contas da Consellería de Infraestruturas e Mobilidade reserven en 2024 unha partida de 40 millóns de euros para a execución de vías de altas prestacións, variantes e acondicionamento de estradas. Destaca o investimento de 1,5 millóns de euros para a VAP Tui–A Guarda, na que este ano rematará o enlace coa A–55 e o polígono de Areas; 4 M? para a VAP da Costa Norte, para o treito da AG–64–Sanguiñeira, con compromisos orzamentarios para os vindeiros anos por importe de 39 millóns; tamén para a autovía da Costa da Morte a través da execución da vía de altas prestacións Baio–Berdoias; para a VAP Brión–Noia; ou para avanzar na segunda fase de conversión en autovía da VAP Nadela–Sarria.

No eido da mobilidade sostible, Vázquez Mourelle lembrou que, tras construír 250 quilómetros de sendas, o vindeiro ano impulsaranse novas actuacións cun investimento de case 35 M?: coa construción do novos itinerarios peonís e ciclistas a través do Plan de sendas de Galicia, que chegará a outras comarcas; coa execución de grandes sendas metropolitanas, como as que unirán a cidade de Ourense de norte a Sur e a que conectará O Milladoiro, a intermodal de Santiago e San Caetano, na capital de Galicia. Ademais continuarase cos proxectos para abril as cidades da Coruña, Ferrol e Vigo ao mar, con actuacións nas fachadas marítimas en colaboración coas respectivas autoridades portuarias e, no caso de Ferrol, iniciando unha nova colaboración co Concello para este mesmo fin, co proxecto “Abrir Ferrol ao Mar”.

A titular de Infraestruturas puxo o acento nunha nova medida, pioneira, que se comezará a desenvolver na vindeira primavera comezando pola Autovía do Morrazo. Trátase da Estratexia de estradas verdes, para reforestar as marxes das vías de altas prestacións autonómicas con frondosas autóctonas, que ten asignada unha partida de 1,5 M? en 2024. A modo de experiencia piloto, no vindeiro exercicio prevense plantar 25.000 árbores na autovía do Morrazo, no ramal de Cangas e no corredor Cangas–Aldán que actuarán a modo de cortalumes, contribuirán a optimizar os traballos de conservación das marxes das vías e contribuirán a reducir a pegada do carbono na estrada. Tal e como explicou Vázquez Mourelle, o obxectivo da Xunta é desenvolver nos próximos dez anos esta medida nos preto de 500 quilómetros de vías de altas prestacións de titularidade autonómica cun investimento global de 25 M?.

Para o apoio aos concellos nas súas competencias de depuración e saneamento, resérvanse partidas por importe de 85 millóns de euros, con actuacións importantes para a mellora do saneamento en Foz, Burela, Vilagarcía, Lalín ou Sada. Tamén, tal e como referiu a conselleira, resérvanse partidas para contribuír á construción de actuacións declaradas de interese xeral do Estado (depuradora da Silvouta, en Santiago, e a de Ponteareas); para a liña de axudas para a realización de auditorías nas redes de saneamento, para evitar verteduras e a entrada de augas brancas; e tamén para reducir o risco de inundacións, como no río Anllóns, en Carballo, ou nos ríos Miñor e Zamáns, en Gondomar, cuxas obras non se puideron iniciar ata o momento polas dificultades postas polo Concello.

A estar mellor preparados fronte á seca e ter garantidas reservas de auga destinaranse 23 millóns en 2024, con actuacións para mellorar abastecementos municipais e medidas encamiñadas a aumentar as garantías de existencia de recursos hídricos dabondo para cubrir as demandas de abastecemento reservando os caudais ecolóxicos. Ethel Vázquez detallou que se impulsarán medidas innovadoras, como a reutilización de auga con usos industriais; a identificación de novas reservas de auga, como poden ser antigos ocos mineiros; ou o impulso da interconexión dos grandes sistemas de abastecemento. Concretou, ademais, que o vindeiro se lle dará continuidade á liña de incentivos á mellora de traídas veciñais, aos plans de abastecemento autónomo ou para a redución de perdas de auga na rede de abastecemento.

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.

La aplicación de COPE es el mejor canal para escuchar la radio en directo, pero es también un completo medio de información digital que cuenta las noticias cuando se están produciendo, que te alerta de lo que sucede mediante notificaciones en tu móvil. Continúa leyendo las últimas noticias de actualidad en nuestra página web para estar siempre informado de lo que está pasando