O presidente de Portos de Galicia respostou á unha pregunta sobre as actuacións desenvolvidas polo ente público para promover o mantemento dos tráficos de pasta de papel da empresa Ence no peirao de Mirasol, no municipio lucense de Ribadeo. A este respecto, José Juan Durán lembrou a existencia dun convenico asinado por Portos de Galicia e Ence con vixencia dende 2011 ata o 31 de decembro de 2019 para o movemento de 1,5 millóns de toneladas de pasta de papel. Explicou, ademáis, que Portos de Galicia comprometeuse a aplicar e aplica unha bonificación do 60% na taxa X-3, de embarque de mercancías e tamén que a mercancía sofre menos manipulación o que mantén inalterable a calidade do producto. Así mesmo reseñou que o servizo e as empresas de estiba está tamén comprometido co mantemento da actividade de Ence e executan permanentes melloras para tal fin. Ademais de relatar todas as medidas xa desenvolvidas, que permiten a Portos de Galicia “confiar no mantemento dos tráficos en Mirasol”, Durán Hermida mostrou o compromiso de Portos coa búsqueda de novas actuacións posibles para garantilos, así como a boa disposición do ente público a avaliar todas aquelas que lle sexan presentadas. O portavoz de Pesca do Grupo Socialista, José Ramón Val, reclamoulle á Xunta que “mova ficha” para garantir a continuidade da actividade de Ence Navia no porto de Mirasol, en Ribadeo. Val presentou unha pregunta na Comisión de Pesca logo do anuncio da empresa de trasladar a saída da súa produción de pasta de papel ao porto de Musel, en Xixón, a partires de xuño. O responsable socialista advertiulle hoxe ao goberno galego que “os socialistas galegos permaneceremos vixilantes” para que a Xunta responda do seu compromiso coa continuidade da actividade da empresa neste porto. Val reclamoulle ao goberno galego que garanta que o porto mariñán “se manteña como mínimo ata agora” para rendibilizar o investimento de 1,8 millóns de euros para o dragado da canle de acceso e a ampliación da dársena de amarre. Esta actuación foi asumida pola Xunta con motivo do acordo coa empresa, que se comprometía a mover a través deste porto 1,5 millóns de toneladas de papel. Lembrou que a empresa ten anunciado o traslado tráfico de pasta de papel ao porto asturiano de Musel, malia que Ribadeo posúe “claras vantaxes competitivas”, como é menor manipulación ou menos espera de carga. Esixiulle á Xunta que poña en valor as vantaxes do porto mariñán para antepoñelo aos intereses económicos da empresa en Asturias. Segundo porto O parlamentario socialista instou ao goberno galego a defender a este porto que, grazas ao acordo coa pasteira, actualmente é o segundo porto de titularidade autonómica galega que move un maior volume de mercadorías dun total de 122. Reclamoulle á Xunta que “responda aos transportistas, os estibadores e todos os axentes da Mariña implicados e que agardan as accións da Xunta para garantir a continuidade desta actividade”. Salientou a importancia do tráfico comercial do porto tanto para Ribadeo como para a comarca da Mariña, “unha comarca sacudida fortemente polas cifras do paro e na que tan só o anuncio da posible perda desta actividade ten provocado unha gran alarma social” tanto nos traballadores directos como indirectos que rodean ao porto.