A Xunta intensifica a loita contra o xabaril ante a súa expansión descontrolada en Galicia

 "Temos un problema, temos un gran problema": así se refería a conselleira de Medio Ambiente, Ánxeles Vázquez,  á abundacia de xabaril en Galicia: máis de 80.000 exemplares segundo as estimacións coas que traballa o seu departamento, o que supón uns 2,7 animais por kilómetro cadrado.  A presenza desta especie afecta xa non só ao sector agrogandeiro, senón tamén á seguridade viaria e supón un risco polo que pode contribuir á expansión da peste porcina africana.

O papel clave dos cazadores

A Xunta defende o papel dos cazadores como "o único método que, ata o de agora, se pode demostrar que ten validez" para controlar a poboación do xabaril. Vázquez agradece publicamente o seu labor, que permitiu eliminar preto de 19.000 exemplares na pasada tempada e un total de 91.854 xabarís no últimas cinco. Sinalou que se está a traballar para darlles a máxima seguridade xurídica fronte ás denuncias que poidan recibir por accidentes durante as batidas.

Peste porcina: el sector en Galicia alerta del riesgo extremo por la “plaga” de jabalíes y pide su contención

Novas medidas de control e críticas á inacción do Goberno e os concellos

Tras rematar a quinta emerxencia cinexética, a Xunta activou un protocolo de primavera que permite a caza durante marzo, abril e maio con autorizacións resoltas en menos de 24 horas. A esta medida súmase a instalación de gaiolas trampa de gran tamaño para "poder capturar familias enteiras". Este método súmase ás gaiolas pequenas, que xa permitiron capturar 140 exemplares en zonas periurbanas como as de Sada, Oleiros ou A Coruña.

Vázquez explicou que están valorando autorizar ademáis que os propios gandeiros ou agricultores que teñan licenza poidan cazar dentro das súas propiedades, "sempre con unha comunicación e unha autorización".

Con todo, a conselleira reclama máis implicación do resto das administracións. "Nas zonas periurbanas, a competencia é dos concellos: hai que facer os desbroces porque si non, hai encames e o que fai o xabaril é ir a comer aos contedores".

A conselleira criticou duramente a pasividade do Goberno central: "O que non pode facer é dicir, 'é unha coordinación', é un problema nacional, e, polo tanto, hai que actuar e non se está actuando". Acusouno de non realizar un censo nacional, non homoxeneizar as actuacións e non achegar financiamento, deixando a responsabilidade unicamente nas comunidades autónomas.

O Goberno central non aporta absolutamente nada, máis que dicir que temos un risco inminente"

Ánxeles Vázquez

Conselleira de Medio Ambiente 

Un custo millonario para as arcas galegas

A loita contra o xabaril supuxo un gasto de 15 millóns de euros para a Xunta nos últimos anos, dos cales 12,7 millóns se destinaron a axudas por danos e case 3 millóns a medidas de prevención. Vázquez lamentou que o Goberno central "non aporte absolutamente nada" a este esforzo, e engadiu que o executivo estatal tamén debe a Galicia 1,2 millóns de euros en axudas polos danos do lobo que nunca chegaron a pagarse.

00:00

Volumen

Descargar

COPE

Entrevista en Cope Galicia con Francisco López, presidente da Federación de Caza de Lugo

Os cazadores reclaman seguridade xurídica e equilibrio nas capturas

Francisco López é o presidente da Federación de cazadores de Lugo, a máis numerosa de Galicia, con preto de 20.000 das arredor de 35.000 licenzas que hai na comunidade nestes momentos. Para el, o principal problema nestes momentos está na contorna das zonas urbanas, a onde o xabaril se vén desprazando porque ten máis facilidades para ter comida e carece de depredadores naturais.

Nese entorno poboado, os cazadores non poden organizar batidas. Outra cousa é a situación no monte: "Moitas veces dise...xa non caben no monte e veñen para as cidades. Sí que caben no monte, o que acontece é que o jabalí é moi intelixente, sabe onde pode estar tranquilo e ten ademáis alimentos".

"Temos que cazar con sentido común, porque si se acaba o jabalí, os cazadores deixarán de sacar licencia, porque por desgracia, nestes momentos en Galicia, perdiz, coello ou lebre hai moi pouquiña por falta de hábitat".

Reclaman ademáis seguridade xurídica, porque agora mesmo son os tecores (territorios cinexéticamente ordenados) os responsables de asumir os custos que xera un accidente de xabaril cando se demuestra que o animal fuxía dunha batida.