O prazo para solicitar o acceso de vehículos ao casco histórico de Lugo remata a finais deste mes

O Concello de Lugo lembra que o prazo para tramitar o acceso con vehículos ao casco histórico, unha vez finalizadas as obras de peonalización no centro da cidade, remata a finais de setembro, que será cando o persoal de reforzo contratado finaliza o seu traballo. Para realizar este trámite, os usuarios deben dirixirse ao Edificio de Novas Tecnoloxías ou a Unidade de Mobilidade da Policía Local.   

Estes puntos de atención foron habilitados específicamente para facilitar o proceso e garantir que todos os cidadáns que cumpran cos requisitos poidan obter a súa autorización de acceso. O Concello lembra que este trámite é fundamental para asegurar a mobilidade na zona histórica, ao tempo que se preserva o seu carácter patrimonial.

Ata o momento, foron tramitadas 2.165 solicitudes.

solicitude telemática

Para realizar o trámite, o primeiro paso é contactar telefónicamente co 982 297 377, onde se lle asigna a cada usuario unha cita presencial. Tamén se informa aos demandantes da documentación requerida para tramitar a solicitude. 

Ademais, o trámite pode realizarse de maneira telemática a través da sede electrónica do Concello.