Os desvíos dos buses no centro da Coruña rematan o 10 de maio

O Concello da Coruña avanza estes días coa folla de ruta prevista para a remodelación dos Cantóns, que encara xa unha nova fase de obras a medida que se ultiman os traballos de pavimentación na avenida da Mariña.

A alcaldesa, Inés Rey, informou este venres de que a Mariña reabrirá ao paso de vehículos autorizados e o servizo de taxis o vindeiro venres 9 de maio, co que a circulación pola avenida volverá á súa situación previa mais co firme xa renovado e mellorado.

Volven circular os buses polos cantóns e a mariña

Neste sentido, a previsión do Concello é que o servizo de transporte urbano regrese á Mariña un día despois, o sábado 10 de maio, cando as liñas que xa transitaban habitualmente pola avenida —1, 1-A, 2, 2-A, 3, 5, 7, 17, 23 e 23-A— volverán ao seu percorrido orixinal. Isto suporá que, a partir dese sábado, os autobuses deixarán de facer o tránsito pola avenida do Porto, que tal e como se informou ao inicio desta quenda de traballos, era de carácter provisional.

A este respecto, Inés Rey apuntou que, coa próxima volta dos autobuses á avenida da Mariña, as persoas usuarias do servizo de transporte urbano contarán con paradas en Porta Real e Obelisco (en sentido de ida cara á praza de Mina)  e a carón do Copacabana e tamén en Porta Real (en dirección ao Parrote e o hospital Abente y Lago).

Remodelación dalgunhas paradas

“Seguimos traballando para remodelar e modernizar as paradas que hai a carón do canellón da Estacada e diante da Autoridade Portuaria. Cando rematemos coas adaptacións programadas, estarán novamente operativas para o seu uso”, explicou a rexedora, que incidiu en que, tal e como se formulou desde antes do inicio das obras nos Cantóns, cada paso deste tipo será notificado e detallado polo miúdo á cidadanía, coa antelación necesaria.

Nova fase dos traballos en entrexardíns

Unha nova fase de traballos entre o Teatro Colón e Entrexardíns Rey apuntou este venres que os traballos nos Cantóns xa están a avanzar estes días cara á beirarrúa que conecta Entrexardíns e o Teatro Colón, onde os operarios están a construír a nova rede separativa de augas pluviais, e, a posteriori, renovarán a rede de iluminación para, finalmente, habilitar os novos pavimentos da superficie peonil. O groso desta intervención será visible ao longo do mes de maio.

00:00

Volumen

Cerrar

Noela Bao

Obras de remodelación de los Cantones en A Coruña

Mentres, en paralelo, continúan as melloras na rúa Ambrosio Feijóo, que seguirá pechada mentres se concretan as melloras de saneamento e pavimento que alí están previstas.

 Un mapa dixital para consultar as incidencias de mobilidade  

La reforma de los Cantones transformará el centro de A Coruña: siete claves del proyecto

Co obxectivo de solucionar as dúbidas da cidadanía no contexto das obras dos Cantóns, o Concello habilitou un mapa dixital, adaptado a dispositivos móbiles, no que todas as persoas interesadas poderán consultar as incidencias de mobilidade segundo avance o plan de traballos nas súas diversas fases.

O mapa, xa aberto e visible na páxina web do Concello, indica, por exemplo, os espazos afectados polas obras e as afectacións ao servizo de transporte urbano.

Toda a información sobre as obras nos Cantóns pode consultarse en coruna.gal/cantons.