É o terceiro encontro informativo ‘Construíndo Fogar’ que se celebra na provincia de Pontevedra e terá lugar o vindeiro luns, 23 de maio, ás 10,30 h, no Real Club Náutico de Sanxenxo, coa participación de persoal do Instituto Galego da Vivenda e Solo

Están convocados a participar no foro, aberto ao público en xeral, concellos, empresas e entidades do sector pertencentes aos nove municipios da comarca

Normal 0 false false false ES ZH–CN AR–SA Pontevedra, 21 de maio de 2022.– A Xunta de Galicia invita ao tecido social da comarca pontevedresa do Salnés a coñecer os distintos programas e liñas de axudas en materia de vivenda ás que poden optar os cidadáns e os concellos.Esta nova sesión dos encontros informativos #ConstruíndoFogar terá lugar o vindeiro luns, 23 de maio, ás 10,30 horas, no Real Club Náutico de Sanxenxo, e contará coa presenza de persoal técnico do Instituto Galego da Vivenda e Solo (IGVS) para informar dos detalles da trintena de liñas de incentivos que xestionará o Goberno galego este ano no eido residencial e resolver as posibles dúbidas dos asistentes. Trátase do terceiro destes foros que se celebra na provincia de Pontevedra e o undécimo no conxunto da Comunidade. Aínda que o evento está aberto ao público en xeral, foron convocados representantes municipais dos nove concellos que integran a comarca ?A Illa de Arousa, Cambados, Meaño, Meis, O Grove, Ribadumia, Sanxenxo, Vilagarcía de Arousa e Vilanova de Arousaentidades profesionais, como os colexios de arquitectos, de enxeñeiros técnicos e de peritos agrícolas de Pontevedra; e empresas do sector da vivenda e da rehabilitación residencial, como inmobiliarias, xestores de comunidades de veciños ou construtores.O obxectivo é informar dos requisitos que se deben cumprir para poder beneficiarse de cada axuda, así como dos trámites que se deben realizar ante a Xunta para acceder aos incentivos dispoñibles ao abeiro da convocatoria de 2022, tanto dos programas que xa están abertos como daqueles pendentes aínda de publicación Así, o IGVS dará conta dos diferentes programas dispoñibles para fomentar a rehabilitación do parque de vivendas de Galicia, a maioría deles dirixidos aos particulares, pero tamén nalgún caso dirixidos exclusivamente aos concellos.Ademais, brindarase información sobre as distintas liñas de axudas para facilitar o acceso a unha vivenda, tanto en réxime de compra como de alugueiro.No encontro tamén se fará especial fincapé naqueles programas que benefician de xeito particular aos concellos da zona, como poden ser, no caso do Salnés, as axudas dirixidas aos mozos para adquisición de vivenda en municipios de menos de 10.000 habitantes, requisito que cumpren os concellos da Illa de Arousa, Meaño, Meis e Ribadumia; ou as distintas liñas de axudas para rehabilitación enerxética convocadas nos últimos meses para mellorar a eficiencia dos inmobles como poden ser o cambio de ventás, a mellora de cubertas e fachadas ou a substitución de equipos de calefacción e auga quente. A Consellería de Medio Ambiente, Territorio e Vivenda considera fundamentais estes encontros para dar a coñecer a existencia de todas as liñas de subvención dispoñibles, para animar aos posibles beneficiarios a presentar as súas solicitude poñendo á súa disposición información directa, práctica e útil, e, sobre todo, para brindar o acceso aos recursos públicos ao destinatario final dos mesmos: a sociedade galega.Así mesmo, o encontro organizado en Sanxenxo servirá para presentar a Oficina de rehabilitación de vivenda, posta en marcha no mes de marzo pola Xunta para servir como punto informativo desde o que asesorar e dar a coñecer entre os potenciais beneficiarios os novos programas de axudas con fondos europeos en materia residencial.Esta oficina, localizada en Santiago de Compostela, ao carón da sede central do IGVS, permanece aberta de luns a venres polas mañás, en horario de 9 a 14 horas, e ofrece atención tanto presencial, mediante cita previa, como por teléfono, a través do número 881 045 897.

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.