Se non participaches nun campamento de verán da Xunta, este ano tes prioridade 

Queda tempo aínda para botar a solicitude, pero nos primeiros días dende que se abriu o prazo, máis de 3.200 persoas inscribíronse xa para participar nalgunha das  trescentas actividades programadas no Modo Verán Activo 2026.  A directora xeral de Xuventude, Lara Meneses, asegurou nunha entrevista en COPE Galicia que ás máis de 11.900 prazas ofertadas este ano non son só unha cifra récord na comunidade senón que se trata do "programa máis ambicioso de todo o Estado". A adxudicación farase por sorteo entre as solicitudes recibidas ata o 29 de abril.

Preferencia para novos participantes

Unha das novidades deste ano é que terán prioridade no sorteo aquelas persoas que non participaron en campañas anteriores ou que, téndoo solicitado, non conseguiran praza. Meneses sinalou que o obxectivo é "chegar a toda a mocidade e que toda a mocidade poida gozar da campaña de verán da Xunta". A directora xeral tamén subliñou que esta iniciativa "supón tamén un enorme recurso de conciliación para todas as familias".

O principal piar da campaña son  un ano máis os campamentos destinados a cativada dende os 9 anos a adolescentes de 17.  Son 8.050 plazas repartidas en 36 instalacións das 4 provincias, o que supón 173 máis en relación ao ano pasado. A estas hai que engadirlle as  algo máis de 30 dispoñibles fóra da Comunidade a través dos intercambios co País Vasco, Castela e León, Castela-A Mancha, La Rioja, Madrid e Cantabria. Además, engádense 105 prazas nos campamentos específicos para persoas con discapacidade convocadas a través da Consellería de Política Social.

Comezan os campamentos de verán específicos para persoas con discapacidade da Xunta de Galicia

Ningunha comunidade autónoma ten tantas prazas de campamentos como Galicia"

Lara Meneses

Directora Xeral de Xuventude

Novidades no interior e prezos accesibles

Aínda que os campamentos de costa seguen a ser os máis demandados, este ano a Xunta aposta por reforzar a oferta no interior con novas propostas. A principal é o campamento 'Experiencia Galicia Calidade do Verán', unha iniciativa de cociña que se desenvolverá en Boqueixón en colaboración coa Consellería do Medio Rural. Os participantes poderán cociñar con produtos galegos e estarán acompañados por recoñecidos chefs do Grupo Nove, do que forman parte entre outros Lucía Freitas, Yayo Daporta ou Beatriz Sotelo.

Os prezos da campaña son moi competitivos, con custos que van desde os 92 euros ata algo máis de 100, dependendo da duración e modalidade. Ademais, existen descontos do 25% para os titulares do Carné Xove e prazas reservadas con bonificacións para familias monoparentais e vítimas de violencia de xénero.

Unha aposta pola inclusión

A inclusión é un dos eixos da campaña. As persoas con algunha discapacidade poden participar en calquera campamento da oferta xeral ou a través de prazas reservadas de inclusión. Segundo explicou Meneses, a Xunta conta con monitores específicos para atender as súas necesidades, garantindo que estean "en condicións estupendas e moi ben atendidos".

A mediados de maio comezará o prazo para inscribirse no paquete de actividades de ocio educativo, alternativo y saludable para persoas de 18 a 30 anos, que ofrece 160 prazas en cinco programas de cinco días de duración.  O obxectivo é que  as mozas e mozos participantes poidan mellorar as competencias e habilidades a través da educación non formal de maneira que coñezan a xeografía e o patrimonio natural, cultural e etnográfico de Galicia.