Primeiros pasos do Concello de Lugo para que non falte o polbo no San Froilán deste ano 2025

A concelleira responsable das festas do San Froilán de Lugo, Maite Ferreiro, mantivo a primeira xuntanza do ano coas persoas que levan, ata agora, a concesión das casetas e dos caldeiros do polbo instalados na zona do parque durante as patronais.

Ferreiro sinalou que "os lugares previstos para as casetas e caldeiros do polbo eran catro pero xa levamos anos en que o Concello saca este cuarto espazo a concurso sen que ninguen se presente".

Canto custa unha ración de polbo?

Na reunión trataronse aspectos como o valor dos produtos básicos, regulado polo Concello de Lugo, con prezos públicos establecidos ata o de agora de ración 250 gramos de polbo a 14 euros, ración de 200 gramos de pan a 1,50 euros, ración de 200 gramos de cachelos a 2 euros e 3/4 de litro de viño de mesa a 6 euros.

A edil nacionalista explicou que "os contratos de casetas e caldeiros podense prorrogar este ano 2025 e tivemos o primeiro contacto para que as festas sexan un éxito en todos os aspectos".

Ata o momento son tres os caldeiros e casetas que se instalán nas festas e situanse nas costas do Parque de Rosalia de Castro, baixo a supervisión do goberno local, e a cargo de Aurora do Carballiño, Ramiro López e Nadela.