Feira do Emprendemento Infantil en Lugo: os nenos toman a Praza Maior

Un evento cheo de ilusión e aprendizaxe. Ramón García é o promotor desta iniciativa que conta coa participación de arredor de 32 ou 33 nenos acompañados polos seus pais e nais, así como a presenza de 7 ou 8 formadores de tempo libre. 

Os pequenos emprendedores levan varias semanas traballando con moita ilusión e participaron en diversos encontros online con as súas familias para preparar con mimo todo o evento.

Esta tarde, neste día soleado, algúns nenos que mañá porán o seu estand na Praza Maior están a practicar o seu último ensaio antes da xornada da feira. Mañá expoñerán e mesmo venderán os produtos froito da súa invención.

Este sábado, ademais, o tempo acompañará con bo ceo e sol. Haberá música, xogos populares e unha ambientación especial para que tanto nenos como visitantes poidan gozar dunha xornada única na Praza Maior de Lugo.

A Feira do Emprendemento Infantil está organizada pola Escola de Tempo Libre Bulideira, con sede en Lugo, en colaboración coa plataforma Barafunda Animación, de Vigo.

Ramón García e o seu equipo agardan que, se esta primeira edición resulta exitosa, poidan levar o proxecto a outras localidades galegas para fomentar o emprendemento entre a rapazada a nivel rexional.