45ª Edición da Romaxe de Penas de Rodas: Tradición e festa ao aire libre

Unha romaxe con raíces e segredos por descubrir: A romaxe de Penas de Rodas é un acto que une xeracións moi diferentes, desde os que creron ou crearon esta tradición ata os que aínda intentan desvelar o seu segredo. Algúns consideran que as penas teñen algo de sagrado, outros que o verdadeiro significado aínda está por descubrir. Ana Parga, membro da asociación, recoñece que a forza da tradición inflúe á hora de organizar cada ano o programa para non perder a esencia desta festa.

Preparativos e ambiente familiar desde o sábado

Xa o sábado comezan os preparativos coa adxudicación das parcelas para veciños e visitantes que instalan autocaravanas, tendas de campaña ou carpas para protexerse do sol ou da choiva. Familias de Gaioso e parroquias próximas como Uriz, Candai, Rábade ou Donalbai, Lugo e outras, montan os seus tenderetes e sempre acollen a quen chega con comida e bebida. Sexa a pé, en bici, a cabalo, moto ou coche, hai servizo de bar con empanadas, lacón asado e larpeira. Para pedidos especiais, a panadería Pan do Manuel atende no 982 39 31 41 e para churrasco ou polvo, a Pulpería Roberto dispoñible tamén por chamada previa no 671 87 21 70.

Programa completo da festa para non perder detalle

O programa da 45ª Romaxe de Penas de Rodas comeza ás 11:00 co partido de fútbol no Campo de Fútbol O Penedo e simultaneamente coa ruta de sendeirismo ao Miradoiro da Terra Chá con Guido Guía ás 12:00 inaugúrase a V Feira de Artesanía e Produtos da Terra, seguida do pregón ás 13:00 a cargo de Guido Álvarez (Guido Guía), para continuar ás 13:30 co vermú co Dúo Zafiro e ás 15:00 o xantar campestre; pola tarde ás 16:30 haberá xogos populares para nenos e adultos, ás 17:30 actuación do Grupo de Teatro Penas de Rodas coa obra "Asasinato na tenda de roupa", ás 18:45 actuará o grupo Airiños de Orbazai subvencionado pola Deputación de Lugo dentro do programa Tradigalu e finalmente ás 20:15 pecharase a V Feira de Artesanía e Produtos da Terra coa entrega de trofeos e o sorteo de cestas. 

Ana Parga, ademais de membro da asociación, pertence á casa de Bandelo e como voceira, en nome dos veciños de Gaioso e da propia asociación, invita a todos a participar e gozar dunha festa que cada ano reúne tradición, diversión e boa compañía.