É evidente que o goberno municipal de Lugo non puxo os medios necesarios para evitar o conflicto e as manifestacións do Concelleiro de Medio Ambiente “esixindo” sentar a negociar chegan tarde e non son críbeis. Tiveron tempo e ocasión para mediar no conflicto antes de que se enquistara. E que o goberno municipal de Lugo está apoiando descaradamente á empresa demóstrano os abusivos servizos mínimos que decretou. Actúan como uns matóns ao servizo da empresa impedindo o dereito de folga. Ante unha empresa que non respecta os pactos e que se nega a sentar a negociar non queda moita máis saída que utilizar o dereito de folga que temos as traballadoras e traballadores. Son a empresa Urbaser e o goberno municipal de Lugo os únicos responsábeis de que unha das festas con maior proxección desta cidade se vexa deslucida polo lixo amoreado. Desde Anova-Lugo apoiamos ás traballadoras e traballadores da empresa Urbaser e conminamos á empresa a sentar a negociar e respectar os acordos existentes e denunciamos a pasividade, cando non complicidade, do goberno de López Orozco cunha empresa irresponsábel e coaccionadora.