Imaxinación, talento e humor: o bo tempo axudou a montar festa no casco histórico de Lugo coa celebración do Entroido

Está a piques de rematar o Entroido. Despois de moitas semanas de chubascos persistentes, a tarde deunos a todos unha tregua e a xente saiu a rúa para celebrar por todo o alto esta festa tan popular. Había gañas. Hai que destacar o ambiente e o derroche de inxenio e boa onda en varias localidades da Mariña e, por suposto, tamén en Monforte de Lemos, onde as comparsas encheron de cores e animación as rúas da cidade

En Lugo, un ano máis, coincidindo co martes de Entroido, celebrouse o tradicional concurso de disfraces de adultos organizado pola Área de Cultura, Turismo e Promoción da Lingua. Pode que a capital luguesa non sexa a cidade con maior tradición carnavaleira, pero o desfile foi seguido por centos de persoas na Praza Maior e os concursantes non desmereceron para nada o interese. 

De feito, houbo momentos nos que o desfile, moi animado con celebradas coreografías, convertiuse nunha auténtica festa. Os participantes demostraron imaxinación e talento con disfraces elaborados e bailes moi ensaiados.  Durante a deliberación do xurado, formado por José Manuel Núñez Blázquez (artista multidisciplinar, director de Ágora Cultural), Fernando Rodríguez Fernández (participante en numerosas edicións do concurso de entroido) e Raquel de Ana Rodríguez (profesora representante da Escola de Arte e Superior de Deseño Ramón Falcón), a veciñanza presente puido desfrutar da animación de Carta de Ajuste

concurso individual

O concurso comezou coa categoría de disfraces individuais na que se inscribiron 13 persoas. Nesta categoría repartíronse os seguintes premios:

1º premio (500€): Reciclator

2º premio (300€): Fábrica de Chocolate

3º premio (200€): O capitán pateiro librouse do caldeiro

Accésit (50€): Torre Eiffel

Accésit (50€): Salta Pequeño Canguro

Accésit (50€): Busco a otro mundo

parellas

Na categoría de disfraces por parellas, que contou con 12 participantes, repartíronse os seguintes premios:

1º premio (600€): Vento en Popa a toda Vela

2º premio (400€): África con aromas de café

3º premio (300€): Colorín colorado, Tiana e o sapo cos ovos acabaron

Accésit (100€): Los Guardianes del Bosque

Accésit (100€): Vivir como Dios manda

Accésit (100€): Fregonas Rabudas

Accésit (100€): Do Lixo ao Luxo

Accésit (100€): O Ourizo do Souto Sagrado

comparsas

O desfile rematou co paseo das comparsas. Ducias adultos e nenos e nenas participaron nesta categoría que resultou por momentos moi espectacular. Os premios repartíronse do seguinte xeito:

1º premio (1.100€): Os edro de jarana na sabana

2º premio (800€): Cuerda para rato

3º premio (600€): Funko Fest

Accésit (200€): Oficios Antigos

Accésit (200€): Mario Party

Accésit (200€): Retratando Vidas

Accésit (200€): Ata o infinito e máis alá

Accésit (200€): De que vamos