Desde a Plataforma Comarca de Mondoñedo Unida convocamos as persoas que queiran colaborar na limpeza e amaño da Area Recreativa de A Fervenza, os domingos dias 9, 16, 23 e 30 de XUÑO desde as 9 horas baixo a coordinación do pedaneo do Coto Luis Murillo, con vistas a podela utilizar e disfrutar por tod@s, na época do veran. Os traballos os que apoiará o equipo de obras do Concello encaminaranse a limpeza do Canal e pisicina fluvial, area do merendeiro e do pozo, rematar os amaños das escalinatas a carón da Ponte Colgante, limpeza e desbroce a carón da Fonte de Augas Mediciñais Sulforosas e do Castro da Pena do Unto. Reunión co alcalde Teremos unha reunión o vindeiro venres co alcalde e membros da Corporación Municipal para informarlles das xestións levadas a cabo coa empresa EON-BEGASA para solicitarlles a posta en valor da antiga fábrica de luz Electricista Mindoniense e as propostas que nos ofreceu o seu xerente. Tamén se tratará de concretar a viaxe a Ribeira Sacra para a proxima semana por membros da Plataforma e do Concello, co fin de contactar con xestores do Sector Turistico antes da xornada de Turismo que se vai a celebrar na Casa da Xuventude de Mondoñedo o vindeiro sábado 8 de xuño e a que asistirán profesionais e representantes da Administración relacionados co Consorcio da Ribeira Sacra, co Servizo Provincial de Turismo, co Instituto de comercialización Agroalimentario da Conselleria de Medio Rural e co Plan de Dinamización Turistica que se quere implantar en Mondoñedo.