Consideramos imprescindible para o óptimo funcionamento deste Centro, a existencia de diálogo e a fluída comunicación entre a Dirección e o Órgano máximo de representación dos traballadores e traballadoras, co ánimo de acadar puntos de encontro que revertan na mellora asistencial e favorezan o desenvolvemento dos seus profesionais, e rexeitamos a situación actual de distanciamento cos axentes sociais que so aportan escurantismo, sendo mais propias dun estado ditatorial. O mércores día 20F, a Xerencia de Primaria de Lugo informa ao Comité de Primaria, da inminente publicación do Decreto de Área Integrada Lugo-Monforte-Burela e, o día 21 o Progreso publica o nome do Xerente que dirixirá o noso Hospital dende Lugo. Estes son os canles de comunicación desta Xerencia coa Xunta de Persoal, cos seus traballadores e traballadoras, os canles do silencio e do mutismo. A situación é clara, o Hospital da Costa perde a súa autonomía e a súa capacidade de Xestión, comeza o desmantelamento dun Hospital que da cobertura a 72.000 persoas e mentres, o Xerente que sempre dixo que isto non ia ocorrer, que o Decreto que se ia publicar era o de Xestión integrada da Mariña, escondese agora tras un despacho. Ante un ataque de tal magnitude para cos traballadores e traballadoras do Hospital da Costa e para con tódolos habitantes da Mariña, dende esta Xunta de Persoal, ESIXIMOS a esta Xerencia que convoque aos seus traballadores para dar explicacións públicas do que está acontecendo e que faga un chamamento en defensa da Sanidade Pública da Mariña e en defensa do Hospital de tódolos Mariñans.