O valor da taxa de consumo correspondente a 2012 sitúase en 129 litros por habitante e día. A edil popular subliñou que “dito dato está por debaixo do valor galego correspondente ao ano 2010 que se sitúa en 132 litros por habitante e día”. E lembrou que “a media galega de consumo supera os 130 litros por habitante e día desde o ano 2002”. López Eijo tamén comparou os datos de Burela do ano pasado cos últimos dispoñibles a nivel nacional, que son do 2010, “a diferencia entre o consumo municipal e a media estatal está en 15 litros, o que supón un consumo local inferior en máis dun 10% respecto a esa media nacional. Ademáis, convén destacar que nese ano, no 2010, a valor da taxa de consumo a nivel estatal acada o menor valor desde o 2000”. A concelleira de Medio Ambiente indicou que “a reducción do consumo de auga por habitante e día o ano pasado en Burela é 5 litros inferior a 2011. Iso supón que os veciños do noso concello reduciron o consumo de auga de uso doméstico en 17.625 metros cúbicos. Esta reducción equivale ao consumo realizado nos fogares bureleses durante catorce día do ano 2012”. López Eijo anima ás veciñas e aos veciños de Burela “a seguir facendo un consumo responsable da auga”.