O rexedor sinalou que “é importante que os alumnos dun centro educativo realizacen outro tipo de actividades para completar a súa formación e ampliar o abanico do coñecemento. É importante despertar o interese por outro tipo de actividades diferentes ás que se imparten nos centros”. González Barcia subliñou que “as xornadas de banda deseñada do IES Perdouro xa están consolidadas. O apoio do Concello está aí. Estamos convencidos de que o centro ten en mente novas actividades pedagóxicas que quererá levar á práctica. E o Concello axudarálle na medida das súas posibilidades”. O alcalde, na súa intervención desta tarde, engadiu que “é bó que as actividades que organizan os centros de ensino, teñan continuidade no tempo”. Ao acto de inauguración da exposición conmemorativa das xornadas de banda deseñada asistiron a concelleira de Educación, Mónica Pedre; o representante do Concello no consello escolar, Manuel Fernández Valle; e o alcalde de Burela, José Mª González Barcia.