Carteis en galego para o comercio local de Lugo

A edil de Cultura, Turismo e Promoción da Lingua, Maite Ferreiro, visitou un dos negocios do centro da cidade que xa colocaron a cartelería das rebaixas de xaneiro no noso idioma

Maite Ferreiro, concelleira de Cultura, Turismo e Promoción da Lingua do Concello de Lugo
00:00
Tenencia de Alcaldía do Concello de Lugo

Maite Ferreiro, concelleira de Cultura, Turismo e Promoción da Lingua, defende a cartelería en galego para o comercio local de Lugo

Baruk Domínguez

Lugo - Publicado el

1 min lectura

A concelleira de Cultura, Turismo e Promoción da Lingua no Concello de Lugo, Maite Ferreiro, anunciou que a Tenencia de Alcaldía enviou aos comercios da cidade unha serie de carteis para anunciar as rebaixas utilizando a lingua galega

Ferreiro afirmou que esta é unha das medidas impulsadas pola Alianza Lugo pola Lingua, impulsada desde o executivo local, que permite "visibilizar que a nosa lingua pode ser utilizada en calquera situación, facilitando a veciñanza se anime a falar en galego e colaborando desde o Concello de Lugo para reverter unha situación tan grave como a que vive neste momento a lingua galega".

Os MENORES NON FALAN GALEGO

Segundo os últimos datos publicados, un de cada tres menores saben pouco ou nada de galego e só o 7% dos nenos e nenas entre 5 e 14 anos falan galego sempre, "14 anos despois do decreto antigalego do Partido Popular, cunha xeración educada íntegramente nesta normativa, estamos vendo como as persoas máis novas están a perder a capacidade de utilizar a nosa lingua", afirmou Maite Ferreiro.

A edil de Promoción da Lingua afirmou que "é necesario tomar medidas reais e inmediatas que permitan reverter unha situación tan grave como a que temos neste momento coa lingua" e presentou ás asociacións e colectivos presentes "un decálogo de medidas básicas para promocionar o uso do galego e garantir que a nosa lingua non desapareza".

Escucha en directo

En Directo COPE LUGO

COPE LUGO

En Directo COPE MÁS LUGO

COPE MÁS LUGO

Herrera en COPE

Herrera en COPE

Con Carlos Herrera

Lunes a viernes de 06:00h a 13:00h

Programas

Último boletín

04:00H | 26 ABR 2025 | BOLETÍN