O futuro do Pazo dos Deportes de Lugo e do Breogán na ACB: cambios e desexos para a próxima tempada

Co ascenso da competición e o crecemento das esixencias, o recinto precisa melloras no aforo e nas súas instalacións. Pola súa banda, o Breogán tamén está en pleno proceso de renovación, co equipo medio reconstruído e moitas incógnitas sobre as fichaxes que pecharán o plantel para a nova tempada.

O Pazo dos Deportes de Lugo, casa do Club Baloncesto Breogán, vive un momento crucial para poder facerse cargo da ambición do equipo na ACB. Dado que o Breogán será o único representante galego na liga máis importante de baloncesto en España, a demanda de aforo e de melloras na infraestrutura están na menta da afección para a vindeira tempada.

melloras necesarias no pazO

Actualmente, o Pazo conta cunha capacidade limitada en comparación con outras instalacións ACB, polo que moitos afeccionados pregúntanse se cabería un proxecto de ampliación para poder albergar máis afeccionados nos partidos que se xogarán na casa do Breogán.

As melloras de momento según confirmou o clube incluirán a renovación de elementos como os marcadores e a modernización de diversas áreas, co obxectivo de mellorar a experiencia dos espectadores e cumprir coas esixencias da liga. 

Medio equipo renovado e moitas incógnitas

Se falamos do futuro do Breogán, o escenario non é menos emocionante, pero tamén algo incerto.

O plantel do equipo está a ser remodelado por completo, e á metade da plantilla xa confirmada, as preguntas sobre quen serán os outros xogadores que rematarán de dar forma ao equipo na ACB son unha das grandes preocupacións dos seguidores celestes.

Dani Santiso, colaborador de COPE Lugo, explica que, se ben xa hai fichaxes pechadas, tamén hai outras baixas confirmadas e a espectativa de que se realicen novas fichaxes para reforzar a zona interior e o perímetro do equipo. 

Aínda queda moito por definir, e os afeccionados están a "morder as uñas" esperando as novidades oficiais. Queda por saber como se configurará o equipo final, e se as fichaxes previstas lograrán ofrecer o rendemento que se agarda nunha liga tan esixente como a ACB.