O Concello levará a Fitur a Madrid o material divulgativo de Burela e dos seus locais hostaleiros, segundo ven de anunciar a concelleira de Turismo, Mónica Pedre. A edil popular indicou que “estamos estes días a preparar o material de promoción de Burela que levaremos a Fitur a finais de mes para da a coñecer o noso concello desde o stand de Turgalicia”. O Concello contactou nos últimos días cos hoteis de Burela “para que preparen os seus folletos e todo o material divulgativo que teñan e nós comprometémonos a facer chegar toda esa publicidade a Fitur, a coste cero para eles”. Burela promocionará en Fitur a súa pesca, a gastronomía, os seus monumentos, os seus roteiros, “o Monte Castelo, o porto, a barco museo Reina del Carmen… o noso obxectivo é que pouco a pouco Burela se converta en destino turístico durante os meses de verán, pero tamén nas pontes festivas, na semana santa. Ano tras ano estamos a recibir a centos de visitantes, pero queremos ir a máis, de aí a importancia que ten acudir a unha feira como Fitur”.