Novas Xeracións da provincia de Lugo centrarase esta fin de semana na análise de medidas para o fomento do emprego, así como no estudo da situación actual do sector pesqueiro lucense. Os mozos da agrupación político xuvenil vinculada aos populares organizarán dous actos, nos que xunto con expertos, profesionais e políticos, celebrarán mesas de análise nas que debaterán sobre estes dous ámbitos, as medidas para o fomento do emprego e o sector pesqueiro. Baixo o titular de ‘Medidas para o Futuro’, o acto sobre emprego, que será inaugurado polo rexedor local,  terá lugar mañá, venres, no hotel Villamartín de Vilalba, ás oito e media da tarde.  Na mesa redonda intervirán autónomos, mozos emprendedores, e membro da política. Mentres, o acto sobre pesca, será o sábado, ás 11:30 horas, no salón de Actos da Confraría de Pescadores de Celeiro (Viveiro). Neste caso, o programa está deseñado en dúas mesas de debate, unha, baixo o lema de Experiencias da Vida, co participación de mariscadoras, propietarios de pescaderías e antigos responsables políticos nesta área. A segunda mesa de debate versará sobre a situación actual do sector pesqueiro.