Oito nenos e nenas resultaron premiados no certame de poesía da Nadal organizado pola biblioteca pública municipal “Juana de Ibarbourou”, de Lourenzá. Un dos galardóns quedou deserto. Os gañadores foron dados a coñecer pola concelleira de Cultura, Lupe Flórez, como presidenta do xurado, quen explicou que “os traballos clasificados nesta fase local tomarán parte na convocatoria provincial do certame e dende a Concellería de Cultura felicitámolos e desexámoslles sorte nesta nova fase”. Lupe Flórez tamén explicou que a data para a entrega de diplomas e agasallos aos agraciados está pendente de confirmar, pero a previsión é que se celebre nos vindeiros días, antes de que remate este mes.