Se disparan los datos del desempleo en la comarca con un incremento de 261 personas con relación al mes pasado

Os datos do desemprego volven dispararse na comarca cun incremento en relación ao mes anterior do 5,08%. Das 794 persoas que pasaron a situación de desemprego provincia de Lugo, 261 son mariñás incluíndo os concellos de Riotorto e Muras, polo que o 32,87% do incremento do desemprego na provincia corresponde a persoas da Mariña.  So o concello de Lourenzá con tres persoas desempregadas menos reduce a súa cifra de paro en relación a decembro,  a comarca volve situarse en datos cifras de paro de maio de 2014 e acumula xa cinco meses consecutivos aumentando as súas taxas de paro. E isto tendo en conta a cantidade de persoas que seguen marchando cada día para buscar traballo no estranxeiro e que, en moitos casos, a efectos estatísticos computan como baixa nas demandantes de emprego. O BNG demanda o desbloqueo e investimento en infraestruturas longamente demandadas na comarca como a apertura do di que norte de Morás ao tráfico comercial, a autovía de conexión entre Barreiros e San Cibrao ou o corredor entre San Cibrao e Ferrol que segue paralizado sen solucións na variante de Viveiro. Para os nacionalistas o investimento nestas infraestruturas suporía emprego inmediato e a medio e longo prazo. Da mesma maneira volven reclamar un plan de emprego para a comarca que segue perdendo poboación por mor da falta de oportunidades cara a emigración. As cifras do desemprego na comarca acumulan xa cinco meses consecutivos de subida o que demostra que nin sequera baixou o paro na tempada do natal e unicamente se produciu unha lixeira baixada dos datos do paro entre os meses de maio a setembro froito da tempada estival. Para a portavoz comarcal nacionalista, Ana Ermida Igrexas, “os datos reais desmenten os anuncios dos dirixentes do Partido Popular sobre a recuperación económica, seguimos perdendo poboación que marcha á emigración, seguimos aumentado o paro, seguimos perdendo empresas e o pouco emprego que se crea é precario e temporal”.