O alcalde, Fernando Suárez, subliñou que se trata “dun curso referencial a nivel galego neste ámbito da educación infantil. Ten unha importancia moi elevada, xa que está destinado a contribuír á formación e á reciclaxe de profesionais que traballan con nen@s nos seus primeiros anos de vida, precisamente cando se está a desenvolver a personalidade deses cativ@s, que dentro duns anos serán os que dirixan o mundo”. Ao rexedor parécelle axeitado o título do curso de verán “aos tempos que corren, absolutamente en cambio, como estamos a ver todos os días, desde o punto de vista socioeconomico, socioeducativo, etc, etc”.

A directora do CIFP Porta da Auga, Beatriz Dobaño, dixo que “continuamos un año más apoyando la iniciativa del director del curso, Suso Ferreiro, porque nos interesa esa formación que más allá de lo que se da en el aula, queremos seguir apoyando esa formación complementaria. Con estos cursos se consigue que se analice otra forma de ver la educación infantil y que se traten temas de mucho interés y nuevos”. E engadiu que neste 2014 “se verá, por ejemplo, cómo se puede educar y animar a los niños en un hospital, fuera de lo que es ese entorno tan conocido y tan protegido como es el centro escolar”.

No curso, que terá lugar os días 21 e 22 de xuño no Teatro, en Ribadeo, abordaranse cuestións coma as realidades e desafíos da animación sociocultural nunha sociedade de redes; a infancia e os museos pedagóxicos; os equipamentos de educación ambiental en Galicia; a granxa escola coma espazo educativo, medio ambiental e de lecer; a aula hospitalaria coma espazo educativo e o teatro e infancia, potencial sensibilizador, reflexivo e educativo.

O director do curso, Xesús Ferreiro, lembrou que “o ano pasado o curso xirou arredor do xogos, e neste 2014 abrimos a perspectiva e iremos a contextos diversos para abordar a educación neses outros ámbitos fora do espazo escolar, da educación regrada, que se correspondería con outros espazos e con outros tempos, é dicir non única e exclusivamente cunha sesión matutina, por exemplo”.

As persoas interesadas en participar neste curso de verán, do que se ofertan 125 prazas, poden obter máis información na web: www.udc.es/occ