O Partido Popular de Mondoñedo vese obrigado de novo a denunciar a falta de labores de mantemento dos inmobles de titularidade municipal. Neste caso, os populares aseguran que ao igual que no auditorio, no tellado do pavillón nace herba xunto a outras especies arbóreas. Para os populares, que a maleza creza tanto sobre o pavillón polideportivo como sobre o auditorio municipal é  “un claro exemplo da falta de coidado que o bipartito local profesa sobre estes edificios”. Incluso dende o PP explican que algunha das árbores que medran sobre o auditorio alcanzan alturas superiores ao metro e medio. Deste xeito, dende o PP local úrxenlle ao equipo de goberno integrado polo PSOE e o BNG, que de xeito inmediato realicen as actividades necesarias de limpeza co obxecto de evitar consecuencias maiores que podan implicar a falta de coidado dos edificios. Reciben un patrimonio que non saben conservar Os populares xa denunciaran en reiteradas ocasións a situación na que se atopaban edificios de titularidade municipal, como é o auditorio e a Casa da Xuventude. Ademais de goteiras e falta de limpeza na contorna;  no caso do auditorio municipal técnicos consultados advertían do perigo de derrubamento do teito a curto prazo de non tomarse medidas. Dende o Partido Popular amósanse críticos coa irresponsabilidade na xestión por parte do equipo de goberno local e explican que recibiron un patrimonio recen rehabilitado e que non están a ser quen de conservar.