O Mago Antón celebra "medio século de maxia" cunha nova edición do Lugo Máxico
O evento, que se celebrará entre os días 19 e 24 de maio, contará con actividades nos barrios e colexios da cidade e con dúas grandes galas no Auditorio Fuxan os Ventos
Lugo - Publicado el
1 min lectura
O Lugo Máxico 2025 achegará 28 actividades entre o 19 e o 24 de maio, con galas, actividades nos barrios e colexios da cidade e no Hospital Universitario Lucus Augusti (HULA), xusto no ano no que O Mago Antón, director artístico do evento, celebra "medio século de maxia".
ANTÓN E WALDEMAR: HISTORIA DA MAXIA EN GALICIA
A primeira actividade terá lugar o 19 de maio a partir das 20:30 horas no Vello Cárcere cunha conferencia divulgativa a cargo de Xosé Díaz e Belén Fernández: O Misterioso Dr. Saa: A historia do Conde de Waldemar, ilusionista, prestidixitador e telépata.
Neste sentido, O Vello Cárcere acollerá a exposición O conde de Waldemar, que contará con visitas guiadas os días 20, 21 e 22.
MAXIA NA RÚA E DÚAS GALAS NO NOVO AUDITORIO
Ademais, haberá catro actividades de maxia na rúa co mago David Navares e o seu espectáculo A Maxia dun Trotamundos.
Como traca final, haberá dúas galas que terán lugar no novo Auditorio Fuxan os Ventos.
Mag Edgard presentará o seu espectáculo Mutis e a Maxia o venres 23 de maio ás 20:30 horas e o sábado 24 á mesma hora celebrarase a Gala Lugo Máxico cos magos Cayetano Lledo, Charlie Mag, Kiko Pastur, Celia Muñoz, Miguel Muñoz, Nacho Samena e Marcos Waldemar.
Presentación das actividades do Lugo Máxico 2025
Todas as actividades serán gratuítas e de acceso libre ata completar a cabida do recinto, agás as galas, cuxas entradas estarán á venta no portal entradaslugo.es.
Toda a información e a programación do evento pode consultarse na web lugomaxicooficial.com.