Javier Castiñeira explicou esta mañá que “o grupo de goberno e máis os portavoces da oposición reunímonos a semana pasada para iniciar a tramitación do borrador dos orzamentos municipais e entregueilles a mesma documentación da que vai dispoñer o grupo de goberno aos diferentes portavoces de todos os grupos políticos da corporación de Foz e quedamos en que en próximas semanas reunirémonos novamente para iniciar a elaboración do borrador dos orzamentos para o ano 2013”. O rexedor municipal comentou tamén que “o importante para o Concello sería que se fixeran uns orzamentos coa maior parte dos grupos políticos; ese é o interese do equipo de goberno sabendo que van ser uns orzamentos difíciles, porque se vai dispoñer de 250.000 euros menos para gastos que o ano pasado e practicamente roldarán os 5.750.000 cando no 2012 eran 5.950.000. Polo tanto eu creo que debemos traballar todos no mesmo sentido, en que sexan uns orzamentos adaptados á situación e ao momento adecuado. Por iso pido esa responsabilidade e sensatez de todos os grupos, tanto do goberno como da oposición”.