A Concellería de Cultura e Xuventude de Barreiros, en colaboración coa Oficina de Información Xuvenil,  organiza para este domingo, 23 de novembro, un novo acto teatral dentro da súa programación cultural deste 2014. Nesta ocasión, a compañía Trípode acudirá ao municipio barreirense para representar a obra Apedreando. Será a partir das seis da tarde, no centro sociocultural Manuel Díaz Sampedro. A entrada será libre e gratuíta ata completar aforo. O grupo Trípode, porá en escena a obra Apedreando, de Pepe Peinó. Unha comedia humorística que ten coma temática central a concentración parcelaria e os problemas que esta ocasiona entre os veciños dun mesmo municipio.