A Xunta de Galicia, a través do Instituto Galego da Vivenda e Solo e Xestur Galicia, ofrece o solo empresarial máis competitivo da Mariña de Lugo e o Occidente de Asturias, con prezos que oscilan entre os 23 e os 57 euros o metro cadrado. Entre os parques empresariais existentes na Mariña lucense os prezos máis baixos atópanse no de Cervo, onde a Xunta dispón de 20 parcelas a prezos que oscilan entre 23 e 53 euros o metro cadrado. En Barreiros hai 28 parcelas dispoñibles, con prezos que oscila entre 48 e 55 euros o metro cadrado e en Foz as tres parcelas pendentes de venda van dos 55,23 aos 57,31 euros o metro cadrado. Nos concellos do interior a Xunta ofrece solo empresarial en Lourenzá (12 parcelas entre 42,72 e 44.65 euros por metro cadrado) e o parque empresarial da Pontevona ten dúas parcelas dispoñibles a 36,51 e 40,67 euros o metro cadrado.