López Penabad lembrou que foi a insistencia do Partido Popular a que  levou ao  rexedor a reparar a rúa Rafael Cardoso, algo polo que mostra a súa satisfacción, pero que recalca, “non é suficiente, posto que para chegar a esta calzada, os condutores e viandantes teñen que pasar previamente polas rúas Sor Pilar de León e Carlos III, completamente desfeitas”. Denuncia o popular que a deixadez e o total pasotismo do rexedor, pendente de outras cuestións en vez de atender aos seus veciños, repercute seriamente na seguridade e no peto dos cidadáns, posto que ademais de expoñerse a accidentes, teñen que pagar as avarías nos seus vehículos.  Lembra López Penabad que a rúa Sor Pilar de León atópase ao carón dun colexio, polo que o tráfico é fluído e urxe solventar, de maneira inmediata, esta situación, algo para o que non fai falta moito diñeiro, pois é suficiente con tapar as fochancas, que cada vez son maiores. Rematou o popular instando a Suárez Barcia a que se centre no Concello, mire polos seus veciños e polo municipio, e arranxe as estradas, invadidas por fochancas,  cada día máis inmesas, e deixe de preocuparse por cuestións que non lle competen.