Táboa reivindicativa comarcal Non ao desmantelamento e abandono da Atención primaria: amortización de prazas médicas e outras categorías profesionais, recortes en materiais, falta de cobertura das ausencias e falla de pediatras. Non ás listas de agarda tanto na Atención Especializada como na Atención Primaria. Non á derivación de pacientes a Lugo para probas diagnósticas e cirúrxias á medicina privada, especialmente nas especialidades de Traumatoloxía e Oftamoloxía. Non á creación de servizos “pantalla” en precario, para acalar unha maioría social crítica co modelo de Xestión Integrada como a unidade de Hospitalización a Domicilio e o Hospital de Día de Oncoloxía que ao mesmo tempo non van acompañados de melloras en servizos implicados na súa posta en marcha como Laboratorio, Anatomía Patolóxica e Farmacia. Creación de novas prazas de persoal sanitario e non sanitario. Non ao descabezamento da Xerencia Executiva do Hospital da Costa, en maio de 2013, a Dirección Médica e en febreiro de 2015 o Xerente, por serias discrepancias coa EOXI de Lugo-Cervo-Monforte e a imposibilidade de tomar decisións en recursos humanos, materiais, obras e infraestruturas ( a día de hoxe o centro mariñao queda descabezado e sen Xerente) Derrogación do Decreto de Xestión Integrada con centro de decisión en Lugo. Creación dunha Área de Xestión Integrada propia de A Mariña con orzamentos propios e con plenas competencias en Atención Primaria e Especializada Táboa reivindicativa xeral Non aos recortes no gasto sanitario público do 12% (460 millóns de euros) Non á redución de 2.094 traballadores sanitarios Non ao peche de máis de 275 camas hospitalarias Non ao abandono e marxinación da Atención Primaria Non á privatización de hospitais e concertacións escandalosas coa medicina privada Non á privatización de servizos estratéxicos: Historia clínica electrónica; Receita electrónica; Sistema de Citas Call Center; Teléfono Informativo “012”; protección radiolóxica; esterilización do instrumental; loxística do sistema; mantemento dos equipos sanitarios; limpeza e enerxía; catering dos hospitais; compra de equipamento tecnolóxico; hemodiálise; etc. Non á entrega da investigación sanitaria e formación do personal ás multinacionais Non á privatización do Laboratorio Central de Galiza Non ao peche dos recursos dirixidos a colectivos de risco: Planeamento Familiar, Drogodependencias, inmigrantes, dependentes, etc. Non ao desmantelamento das Áreas Sanitarias: Burela, O Barco, Monforte, o Salnés, Barbanza... Non á privatización dá Xestión dos Procesos Asistenciais e fragmentación dos hospitais e centros de saúde creando Unidades de Xestión Clinica DICIMOS SI A UNHA SANIDADE PÚBLICA GALEGA, UNIVERSAL E DE CALIDADE