Fernando Vázquez e a motivación de representar a Galicia
A RFGF publicou un vídeo que o técnico enviou á Selección antes da final da Copa das Rexións. "Tedes unha fonte de enerxía enorme e é a quen representades"
DeportesA Coruña
Tiempo de lectura: 2'
Actualizado 18:30
A Federación Galega de Fútbol vén de facer público un vídeo de resumo e felicitación polo logro acadado por Galicia o pasado 11 de marzo, cando se proclamou campioa da fase nacional da Copa de Rexións UEFA. Nesas imaxes recóllese tamén unha mensaxe que o adestrador do Dépor Fernando Vázquez enviou ós xogadores da selección galega antes da final contra Andalucía. “Recordo aqueles partidos nos que eu dirixía á Selección Galega e lembro especialmente o sentimento que tiña cando empezaban os partidos e cando escoitaba o himno galego, unha emoción indescriptible, as gradas con moitísima xente. Era unha festa galega”, confesou o técnico.
O de Castrofeito quixo apelar precisamente a esa emoción para motivar ós futbolistas da Selección. “Non sei o que cada un de vós podedes sentir, pero evidentemente representades ós galegos. Moitísimos estarán pendentes de vós e orgullosos de que poidades gañar o torneo e traelo para Galicia”, indicou.
Fernando Vázquez revelou tamén algunhas das pautas que utiliza cos seus xogadores. “Antes do partido, ós meus futbolistas sempre lles digo primeiro que a enerxía se crea. Vós necesitades enerxía para este partido. Esa enerxía podedes buscala moi adentro, concentrarvos no quencemento, e pensar nalgunha cousa que vos cree un sentimento e unha emoción. Detrás diso virá a enerxía. Vós tedes unha fonte de enerxía impresionante que é o feito de a quen representades, qué significa eso para vós e con iso pelexar e motivarse no tono adecuado é moi fácil. Se estades cheos de enerxía, dominades o aspecto colectivo, coñecedes perfectamente o plantexamento extratéxico e dades máis do que sodes, evidentemente, teredes o éxito asegurado. Eso é o que vos desexo de corazón, non só eu, senón toda Galicia”, finalizou.
O desexo do adestrador do Deportivo da Coruña cumpriuse e Galicia venceu a Andalucía na final por 2-0 nas Rozas.
��️ "De cando fomos campións..."
— RFGF (Na Casa ��) (@futgal) March 25, 2020
Galicia proclamouse campioa de España. Revive a nosa conquista DESDE DENTRO
A sorpresa de @BorjaIglesias9 e Fernando Vázquez antes da final, os testimonios dos protagonistas dúas semanas despois...https://t.co/YdiDfpp0Ez#decandofomoscampions
- item no encontrado