O IES VILAR PONTE DE VIVEIRO está a participar neste plan  de froita fresca nos centros educativos que ten por obxectivo potenciar o consumo destes produtos pola xuventude, tentando mellorar deste xeito os seus  hábitos alimentarios. O plan está impulsado pola Unión Europea, e o está desenrolar a Xunta de Galicia a través do Fondo Galego de Garantía Agraria. A convocatoria faise a través dunha resolución que regula a concesión de axudas para adscribirse a dito plan, que se fai de xeito voluntario polos centros educativos. Durante a semana, no recreo , no IES VILAR PONTE vense de distribuír entre o alumnado de 1º e 2º da ESO distintos tipos de froita fresca cada día: plátanos, mazás, mandarinas, fresas e peras. Esta actuación está a ter moi boa acollida entre o alumnado do centro.