Rueda está invitado por el alcalde a una visita oficial a Ribadeo para conocer como está el juzgado de paz

Na carta Suárez Barcia lembra que “a opinión popular expresada a través dos representantes de todas as formacións políticas que gobernaron ou formaron parte das Corporacións Municipais foi a de facer cantos esforzos puideron para que Ribadeo recuperase o inxustamente perdido xulgado… Serva esta brevísima escolma de actuacións para contrastar as curiosas e alarmantes situacións do momento actual, onde por unha banda, o goberno do Estado lonxe de compartir a nosa reivindicación está a pretender anular os xulgados comarcais coma o de Mondoñedo e practicamente eliminar os de paz coma o actual de Ribadeo”. E lémbralle que “a Xunta lonxe de apoiar as reivindicacións de Ribadeo acaba de mandar hai poucos días unha comunicación formal para que sexa o Concello quen asuma a titularidade do contador de electricidade e o abono dos gastos, aínda que iso non leva ocorrido nin nas épocas pre constitucionais de 1964”. O alcalde convida a Alfonso Rueda a visitar institucionalmente Ribadeo “e vexa de primeira man a situación lamentable na que se atopa o xulgado de paz”.