A Escola Municipal de Música e Danza de Ribadeo organiza os días 25 e 26 de xuño unhas Xornadas de portas abertas. Serán en horario de 16.00 a 20.00 horas e o profesorado do centro explicará as distintas disciplinas que se imparten, incluíndo unha pequena clase práctica. Segundo as materias, esta actividade estará dividida por idades: - Música e movemento: nenas e nenos nados entre os anos 2010 e 2007. - Práctica instrumental: nados a partires do 2006, incluíndo adultos. - Danza/ballet: nados desde 2010 en diante, incluíndo adultos. Desde a dirección da Escola Municipal de Música e Danza de Ribadeo animan aos nenos e nenas a asistir a estas xornadas: “Ven e proba!!! aproveita esta oportunidade para facelo de balde nestas xornadas”. @s interesad@s en participar poden inscribirse no propio centro, entre as 16.00 e 20.00 horas, ata o venres 20 de xuño.