Celebrouse esta mañá na praza de abastos de Ribadeo o segundo sorteo de cheques de compra da campaña Elixe ao mellor praceiro/a, na que os clientes que realizaron as súas compras nos últimos días no mercado ribadense recibiron cupóns para optar aos premios que se puxeron en xogo hoxe. No sorteo estiveron presentes a responsable da Axencia de Desenvolvemento Local de Ribadeo, Mónica Barcia, un técnico da Xunta de Galicia, e un representante do establecemento elixido como mellor praceiro na pasada edición desta campaña. El foi o encargado de extraer as papeletas agraciadas. O cheque de compra por valor de 75 euros para gastar na praza de abastos de Ribadeo foi para Josefa Álvarez Freijo; o cheque de 50 euros vaino disfrutar Elisa Fernández García e o de 25 euros foi para Rita Monteagudo Ovalle.