• Viernes, 29 de marzo 2024
  • ABC

COPE

Noticias

Ribadeo | La Escuela Municipal de Música y Danza inicia el curso 2015/2016 con 320 alumnos y estrena nueva página web

cope.escope.es

Tiempo de lectura: 2'Actualizado 10 abr 2017

A Escola Municipal de Música e Danza (EMMeD) de Ribadeo ven de iniciar o curso 2015/2016 con máis de 320 alumnos e alumnas matriculados de entre 4 e 70 anos, unha cifra que continúa medrando con respecto aos cursos anteriores e que fai da EMMeD de Ribadeo o centro destas características con maior número de persoas matriculadas na comarca da Mariña e no occidente asturiano. O claustro docente da EMMeD de Ribadeo estará formado por 14 profesores e profesoras, un por cada unha das disciplinas que oferta o centro, o que garante que o alumnado disporá dunha “atención especializada en cada un dos instrumentos ou das materias que imparte a Escola”, segundo subliña o seu director, Hugo García. Entre as novidades deste novo curso está a entrada en funcionamento da nova páxina web do centro (http://escolademusicaedanza.ribadeo.org), punto de encontro na rede con toda a información sobre o seu funcionamento e as súas actividades. Hugo García Presno, director da EMMeD de Ribadeo, amosou a súa satisfacción “porque o número de persoas matriculadas continúa medrando ano tras ano, o que demostra que o traballo que facemos dende a Escola se está percibindo como positivo por parte do alumnado que repite e tamén polo conxunto da cidadanía, o que fai que novos alumnos e alumnas se animen a formar parte do centro”. E destacou que “tanto o proxecto educativo do centro, unha combinación de ensino teórico con moitas actividades prácticas, coma o plantel docente son as claves para entender o crecemento constante da Escola dende o mesmo momento da súa fundación da man de Hernán Naval”. A EMMeD de Ribadeo comeza este curso coa vontade de levar a cabo a súa programación de concertos tradicional, pero tamén coa intención de abrir novos espazos nos que actuar que permitan achegar o traballo feito na Escola a novos públicos. “Manteremos os festivais tradicionais de Santa Cecilia, Nadal, fin de curso, a charanga do Entroido, as audicións e os concertos didácticos, etc, pero tamén trataremos de levar o noso traballo ao Asilo ou ao Centro de Día, entre outros”, sinalou Hugo García. O director da EMMeD engadiu que “levamos máis de 20 anos mantendo vivo este proxecto, un centro activo no que se fomenta unha educación transversal, no que as alumnas e alumnos non só aprendan conceptos musicais teóricos senón que podan amosalos enriba do escenario, compartir experiencias con outras escolas, participar en actividades que vaian máis aló da música que axuden a integrar a igualdade, a solidariedade ou o traballo en común no día a día da EMMeD”. Hugo García agradeceu o apoio tanto do claustro da Escola como do Concello de Ribadeo: “é clave o apoio institucional, sobre todo en momentos de incertidume económica, para poder tirar para adiante o proxecto da Escola e a súa actividade e tamén é moi importante contar cun corpo de profesores e profesoras que crean no proxecto e que teñan vontade de tiralo para diante”.

Radio en directo COPE
  • item no encontrado

En directo

Vía Crucis de Penitencia desde Ávila

Especial de Semana Santa

Reproducir
Directo Vía Crucis de Penitencia desde Ávila

Vía Crucis de Penitencia desde Ávila

Especial de Semana Santa

Escuchar