A mercadoría comisada polos axentes desprazábase nun camión e foi requisada por estar amparada con documentación falsa e errónea e porque ademais polo momento a pesquería da xarda está pechada. Os axentes inmobilizaron o peixe comisado e trasladárono á lonxa de Burela, onde o pesaron. A mercadoría permanecerá na lonxa de Burela ata mañá, que será cando sexa entregada a un centro benéfico. A Xunta agradece a colaboración prestada por ABSA, que voluntariamente puxo a disposición as súas instalacións para a almacenaxe transitoria da mercadoría.