También en directo
Ahora en vídeo
  • megabanner_1:No existe configuración de publicidad para el slot solicitado

MARIÑA | La Plataforma Queremos Gallego anima acudir a Santiago ala manifestación del domingo 27 de enero

A Plataforma Queremos Galego da Mariña anima a acudir a Compostela a defender o galego, a lingua que nos une, o próximo domingo 27, e para iso freta autobuses desde todos os puntos da comarca. Aquelas persoas que queiran acudir só teñen que anotarse no teléfono 982581861, onde tamén os informarán dos lugares de saída e dos horarios. A Plataforma Queremos Galego convocou esta manifestación en defensa do galego para pedir ao Governo Galego que retire o Decreto de Plurilingüismo despois de ter anulado o Tribunal Superior de Xustiza de Galiza dous dos seus máis importantes artigos, e despois tamén de comprobarmos que este decreto está a impedir que a maioría dos nenos e nenas de Educación Infantil non teñen contacto practicamente ningún coa lingua propia deste país. O Tribunal Superior deixou en evidencia a ilegalidade desta norma por oporse á Lei de Normalización Lingüística e ao acordado unánimemente (tamén polo PP) no Parlamento Galego. A Maiores disto, o Anteproxecto de Lei de Mellora da Calidade Educativa (LOMCE), que elaborou o ministro Wert, incide na marxinación do galego e aboca á súa práctica extinción.