O alcalde e presidente da Fundación Expomar, José Mª González Barcia, lembrou que “Burelpesco é unha asociación vinculada co mundo do mar, formada en Burela hai anos, a súa actividade cesou, pero contaba cuns fondos. Eses fondos son doados á Fundación Expomar por iso nós queremos darlle un aspecto formal, porque ten que ser o padroado o que admita esa doazón e tamén teremos a oportunidade de recoñecerlle a Burelpesco esa achega, xa que despois no hotel Palacio de Cristal aquí en Burela terá lugar un acto moi humilde, pero enormemente simbólico, onde lles recoñeceremos publicamente este xesto”. O rexedor engadiu que “imos amosarlles a gratitude da Fundación Expomar, por terse acordado da mesma para aportarlle esta doazón, que recibimos cos brazos abertos. Vaia desde o padroado da Fundación Expomar o máis sincero agradecemento a Burelpesco e os representación por esta achega”.