También en directo
Ahora en vídeo
  • megabanner_1:No existe configuración de publicidad para el slot solicitado

FOZ | 29 establecimientos hosteleros focenses participán en la segunda ruta de los vinos, que se desarerollará del 23 de febrero al 23 de maerzo. Habrá premios por un total de 850 euros en vales de compra

A asociación de comerciantes, industriais e autónomos de Foz organiza a segunda edición da Ruta dos Viños, que se vai desenvolver dende o día 23 deste mes de febreiro ata o 23 de marzo en 29 establecementos hostaleiros focenses. Entre os clientes que selen a tarxeta en tódolos locais participantes sortearanse varios premios: o primeiro é de 300 euros en vales de compra e diploma de “Ruteiro Maior”, ao segundo corresponderanlle 150 euros en vales de compra e haberá 4 premios de 100 euros cada un en vales de compra para utilizar nos establecementos participantes. O sorteo realizarase durante un programa de Radio Foz (107.4 FM) que se emitirá en directo o 26 de abril, venres, ás doce do mediodía. O presidente de ACIA Foz, José Carlos Paleo, explica que “decidimos facer esta segunda ruta dos viños porque o ano pasado tivo unha boa acollida entre o público. Deste xeito queremos ir consolidando pouco a pouco aquelas actividades que organizamos e que axudan a fidelizar a clientela”. E anima “a todo o mundo a darse unha volta por Foz. Teñen un mes para selar a tarxeta en todos os locais da ruta e así poder entrar no sorteo dos vales en compra que poñemos en xogo”. Os 29 locais hostaleiros participantes son A Eskina, A Funcional, A Maseira, A Rambla, A Rula, A Viña, Bar A Bolera, Bar Acuario, Bar O Chícaro, Bar Oiche, Cafetería Dallas, Cafetería Express, Cafetería May-Ros, Cafetería Pastelería Anduriña, Cervecería Fina, Cervecería Portovello, Fraggle Rock, Hotel Restaurante Leyton, Mesón O Tangarte, Namarinos, Pizzería Xoíña, Pub O Atabal, Restaurante As Brasas, Restaurante Bar O Lar, Restaurante Costumes do Mar, Restaurante Dandy, Restaurante O Mar, Restaurante O Tangarte Mariñeiro e Restaurante Portochico.  

Lo más visto