A Asociación de Comerciantes, Industriais e Autónomos de Foz, en colaboración coa Federación de Comercio de Lugo, organiza para a vindeira fin de semana os días 5, 6 e 7 de decembro a I Festa da Croqueta. Unha actividade que coincide coa ponte da Constitución e da Inmaculada e que conta coa participación de quince restaurantes e locais hostaleiros focenses. Neles poderanse degustar pinchos, tapas e racións de croquetas, elaboradas con diferentes produtos tanto do mar coma da horta. Os veciños poderán gozar desta I Festa da Croqueta en calquera dos seguintes bares e restaurantes focenses, participantes nesta iniciativa gastronómica: O Lar, A Funcional, O Sera, Restaurante Bar Acuario, Bar 78, O Tangarte, Tangarte Mariñeiro, Restaurante Dandy, Casa Damián, Pizzería Xoíña, A Rula, Cafetería Confitería Anduriña, Restaurante Costumes do Mar, Marexada e A Bolera. ACIA/CCA Foz tamén informa que o comercio da localidade abrirá as súas portas o vindeiro sábado, 6 de decembro.