No Campionato Provincial non se xoga a unha modalidade de bolos, senón que en cada sede de cada un dos 7 clubs participantes xógase a modalidade desa zona, dahí a complicación desta Liga, onde os xogadores/as teñen que dominar tódalas modalidades practicadas na Provincia. En cada modalidade os bolos, as bolas e as normas son diferentes, dahí que os xogadores/as teñañ que coñecelas  e dominalas todas. O deporte dos bolos, nos que Xove e pioneiro xa que disfruta dunha liga que vai cumprir o seu vixésimoquinto aniversario, está tendo un gran auxe na nosa Provincia, onde cada vez son máis os clubs participantes, e tamén as modalidades recuperadas deste deporte popular. A Liga Provincial está a xogar un importante papel nesta recuperación, e esperamos que en anos vindeiros sexan máis os clubs que se sumen a esta competición. Ademáis deste importantísimo éxito, que coroa ao Club de Xove coma o mellor da Provincia, tamén tiveron importantes éxitos a nivel individual. En categoría absoluta, o xogador Arturo Vigo quedou subcampión da categoría por detrais de Moisés Salgado do Club Cruceiro de Meilán. En categoría feminina  a epresentante Belén Meitín tamén acabou segunda, por detrais de María Belén Gavín do Cruceiro de Meilán. E xa en categoría de veteranos, tamén acadaron o subcampionato con José Baño, por detrais de Cándido Rodríguez do Ribatra. A victoria na Liga Provincial clasifica ao Club de Bolos Xove para disputar o Campeonato de España que se vai disputar a finais de xuño.