Segundo indicou Veiga, “esta proba é un auténtico éxito desde a súa primeira edición e medra en poder de convocatoria, atraendo a moitísimos deportistas ao remo e, igual que na súa primeira edición, constará de seis regatas xa que cada proba é organizada en colaboración con cada club participante no seu lugar de orixe”. “Grazas a poñer en marcha esta copa – continuou o vicepresidente-  logramos que se incrementasen o número de fichas federativas, o que significa que máis xente practica piragüismo en Lugo, porque este diñeiro redunda nos propios clubs e supón unha inxección económica importante en concepto de premios, que axuda a manter a actividade dos clubs, ademais da propia motivación que supón pelexar por unha mellor clasificación e número de padexeiros inscritos, que tamén puntúa positivamente de cara a mellorar a clasificación na competición”. Tal e como o ano pasado, os clubs participantes poden inscribir a padexeiros de todas as categorías desde benxamín a veteranos en Kaiak, e desde infantil a veterano en Canoa. As regatas puntuables desta IV Copa Deputación de Piragüismo son organizadas por cada un dos clubs participantes e as datas son as seguintes: 05/04/2014 10.00h - Regata de Lugo (organizada polo Club Fluvial de Lugo) 04/05/2014 10.00h - Regata de Lugo (organizada polo Club Cidade de Lugo) 22/06/2014 15.00h - Regata de Ribadeo (organizada polo club local) 06/07/2014 16.30h - Regata de San Cibrao (organizada polo club local) 10/08/2014 16.00h - Regata de Viveiro (organizada polo club local) 24/08/2014 16.00h - Regata de Foz (organizada polo Kaiak de Foz) A IV Copa Deputación de Piragüismo prevé destinar en premios a todos os clubs 16.800 euros, incrementando así a cantidade de edicións anteriores. Nesta IV edición a partida económica a repartir entre os clubs basearase en dous criterios: participación (40% do total segundo o número de padexeiros inscritos) e clasificación (60% do total segundo os postos conseguidos).  “Un dos obxectivos que establecemos desde a nosa chegada á área de Deporte da Deputación centrouse na revitalización dun deporte histórico en Lugo, como o piragüismo, comezando por volver a poñer en marcha a escola de Piragüismo que se atopaba en estado de abandono, para logo centrarnos en apoiar aos clubs lucenses de piragüismo, auténtico motor do deporte, a través da mediación da Federación Galega de Piragüismo, para organizar esta competición da que hoxe poñemos en marcha a súa cuarta edición, a Copa Deputación de Lugo de Piragüismo” – concluíu Veiga