A conselleira de Sanidade, Rocío Mosquera, presentou hoxe aos profesionais de Burela ao que será o xerente executivo da área de Cervo-Burela, Francisco Antonio Soriano Paredes. No acto tamén estivo presente a xerente do Sergas, María Nieves Domínguez,  así como o ex xerente do centro, José Ínsua Pernas. A titular de Sanidade tamén quixo agradeceu a José Ínsua a súa traxectoria profesional a cargo do Hospital durante estes últimos anos. Doutra banda, deulle a benvida ao novo xerente ao cal deseolle sorte nos novos retos que terá que afrontar como liderar o proceso de integración na estrutura de Xestión Integrada co fin de garantir a equidade, a accesibilidade, a continuidade asistencial, e a calidade e seguridade da atención; e a ampliación do Hospital. Neste eido, Mosquera lembrou o seu compromiso de licitar este mes de marzo o plan director para a ampliación do Hospital da Costa e garantir os servizos da sanidade pública na provincia. “Esta ampliación, da que iniciamos os trámites administrativos, beneficiará a toda a poboación da Mariña de Lugo”, afirmou a conselleira. Ademais temos o compromiso de licitar o proxecto arquitectonico antes de que remate o ano. Experto en xestión sanitaria O novo xerente do Hospital é un experto en xestión sanitaria, tanto pola súa formación académica como pola súa traxectoria profesional, desenvolvendo diversos cargos directivos nos diferentes ámbitos da administración dos servizos públicos de saúde, así como en varios centros hospitalarios de España. Francisco Soriano é licenciado en Medicina e Cirurxía pola Universidade de Oviedo e funcionario de carreira da Escala de Médicos Inspectores do Corpo Sanitario do Extinguido Instituto Nacional de Previsión. No seu curriculum académico cabe subliñar a posesión de varias diplomaturas e másters como o de Dirección de Instituciones Sanitarias da Ecola Nacional de Sanidade ou o Programa de Alta Dirección de Institucións Sanitarias do IESE en Madrid. É temen un bo coñecedor de Lugo, onde desenvolveu unha parte importante da sua traxectoria profesional: foi médico de Atención Primaria do centro de saúde de Lugo, inspector médico na Dirección Provincial de Lugo e subdirector provincial de Asistencia Sanitaria na Dirección Provincial do INSALUD de Lugo. Doutra banda, Soriano foi director médico do Complexo Hospitalario Xeral-Calde durante dez anos e dirixiu a xerencia de varios Centros Hospitalarios como o Complexo Hospitalario de Segovia,o Complexo Asistencial de León e o Complexo Hospitalario Universitario de Vigo, posto que ocupou ata a semana pasada.