O pasado 5 de Febreiro os traballadores da subcontrata encontráronse con unha carta de despido obxectivo e realizaron durante varios días concentracións na porta da factoría á hora da entrada de Xornada Normal. Ao final a asturiana Isastur colleu a 15 dos 17 traballadores despedidos por Cegelec, polo que a asemblea de afectados decidiu por maioría suspender as mobilizacións aínda que as condicións salariais eran considerablemente inferiores. A única beneficiada é ALCOA que conseguiu unha considerable rebaixa na contratación a conta de recortar os salarios dos traballadores das auxiliares, en algún caso máis dun 20%. A CIG manifestase en contra deste tipo de actuacións pois non se pode consentir que se xogue desta maneira con traballadores que coma no caso dalgún dos que aínda quedan despedidos teñen ata 30 anos de antigüidade na fábrica. Traballadores que non fai tanto apoiaron as mobilizacións realizadas por ALCOA para a consecución dunha tarifa eléctrica competitiva. A CIG non pode consentir que quede ningún traballador descolgado, motivo polo que continua con as mobilizacións.