O vindeiro sábado 16 de novembro terá lugar a terceira edición do magosto organizado pola Asociación de veciños do burgo de Trasbar no marco das actividades anuais. Será no local social de Trasbar a partir das 20.00 h, cando comezaremos a repartir as castañas asadas e os bolos preñados. Os vales venderémolos ese mesmo día. As castañas asadas serán a 1 € e os bolos preñados para socios 1,50 € e a 2,50 € para os non socios. Achégase o Nadal Esta asociación sortea unha cesta de Nadal valorada en 257€ que lle tocará a persoa que asine o número que coincida coas dúas últimas cifras do primeiro premio do sorteo da Lotaría Nacional, do día 22 de decembro. Agardamos poder ter exposta a cesta ese día para que a xente interesada en participar no sorteo poda escoller o seu número e asinalo. Lotaría Lembrámoslle a toda a xente que queira xogar o mesmo número de lotaría ca nos, que o pode facer, solicitando o décimo no local social.