También en directo
Ahora en vídeo
  • megabanner_1:No existe configuración de publicidad para el slot solicitado

CERVO | La Asociación Mulleres de San Ciprián ultima los detalles de la actividad "sembrando tempos no río" que tendrá lugar el sábado 15 de junio

Ao longo da xornada as persoas participantes recrearán o ambiente típico de hai unhas décadas, cando a tarefa de lavar a roupa se realizaba nas beiras do río Covo A asociación Mulleres de San Ciprián, que preside Amparo Pernas, presentou hoxe o cartel da actividade “Lembrando tempos no río” que organiza a entidade coa colaboración do Concello de Cervo e Alcoa. Un acto ao que acudiron a presidenta da asociación e varias socias así como o alcalde de Cervo, Alfonso Villares. Mulleres de San Ciprián traballa xa nos últimos detalles deste evento, que terá lugar o día 15 de xuño e consistirá en revivir a tradición de ir lavar a roupa ás beiras do río Covo. Unha práctica moi habitual hai unhas décadas e que pretende ser un pretexto para reunir á veciñanza cervense nun acto de convivencia, lecer e recordo. Unha actividade a través da cal as persoas asistentes poderán recrear o ambiente típico que se vivía durante todo o proceso, dende que as mulleres se reunían para ir lavar ata que volvían para a vila. Para iso, xuntaranse ás 17:00 horas na prazoleta (fronte á Casa da Cultura), que será o punto de encontro. A partir dese momento a comitiva, ataviada con utensilios propios desa tarefa, sairá camiñando e cantando cancións tradicionais en dirección á área recreativa situada ao carón da ponte medieval, onde compartirán unha merenda. “Eliximos esa zona porque era precisamente dende o muíño ata a ponte onde as mulleres se achegaban a lavar a roupa” explica Pernas.  Despois da merenda, os participantes poderán rematar a festa na praza dos Campos, onde os gaiteiros de San Ciprián amenizarán a xornada. Un día co que a asociación pretende “recoñecer e poñer en valor o duro traballo que realizaban as mulleres naquela época” engade a presidenta da entidade. Unha actividade que estaba prevista para o mes de maio pero que a asociación tivo que aprazar.

Lo más visto